வில்லேந்திய வேலவர்


(படம் நன்றி: அர்ஜுன வல்லபா)
  • பூம்புகார் அருகில் உள்ள பாடல் பெற்ற தலமான சாயாவனம் சாயவனேசுவரர் கோயிலில் முருகர் கையில் வில் மற்றும் அம்பு ஏந்திய கோலத்தில் நான்கு கைகளுடன் செப்புப் படிமமாக காட்சி தருகிறார்.
  • ஆகமங்களின்படி முருகர் ஆறுமுகராக பன்னிரண்டு கைகளோடு விளங்கும்போதும் எட்டு கைகளை கொண்டிருக்கும் போதும் இடக்கை ஒன்றில் வில்லும் வலக்கை ஒன்றில் அம்பும் இருக்கலாம். ஆனால் இரண்டு, நான்கு, ஆறு கைகள் உடைய முருகர் படிமங்களில் வில்லையும் அம்பையும் ஆகமங்கள் பரிந்துரைப்பதில்லை. இங்கு நான்கு கை முருகர் வில் அம்பை ஏந்தி இருப்பது சிறப்பு.
  • இவர் திருச்செந்தூர் கோயிலைச் சேர்ந்தவர் என்று நம்பப்படுகிறது. 1648-ஆம் ஆண்டில், டச்சுக்காரர்கள் இந்தச் சிலையைத் திருட்டுத்தனமாகக் கப்பலில் கொண்டு சென்றனர். அவர்களது கப்பல் கடலின் நடுவில் சிக்கிக்கொண்டதால், அவர்கள் பூம்புகார் அருகே முருகன் சிலையைக் கடலில் தவறவிட்டனர். பின் இந்த முருகர் சிலை பூம்புகார் கடற்கரையில் ஒரு மீனவரின் வலையில் சிக்கியது. கடலில் இருந்து கிடைத்ததால் இவரை "கடல் கொடுத்த சுடர்" என்றும் அழைக்கிறார்கள்.
  • சிலையின் அடியில் "செந்தில் ஆண்டவர்" என்று பொறிக்கப்பட்டுள்ளது. 
  • அவரது காலில் 'வீரகண்டமணி' என்ற தண்டையை அணிந்திருக்கிறார். சிவனால் அளிக்கப்பட்டது.
  • வில் ஏந்திய நிலையில் இடது காலை முன்வைத்து, போருக்குச் செல்லும் வீரத் தோற்றத்தில் காட்சியளிக்கிறார். "சத்ரு சம்ஹார மூர்த்தி" என்று அழைக்கப்படுகிறார்.
  • சத்ரு சம்ஹார மூர்த்தியாக இருப்பதால், எதிரிகள் தொல்லை நீங்கவும், வழக்குகளில் வெற்றி பெறவும் இவருக்குச் சிறப்பு அபிஷேகங்கள் மற்றும் வழிபாடுகள் செய்யப்படுகின்றன.
  • செவ்வாய் தோஷம் உள்ளவர்கள் இவரை வழிபடுவது உண்டு.
முருகர் வில்லுடன் உள்ள மற்ற சில தலங்கள்
  • மயிலாடுதுறை மாவட்டம் திருவிடைக்கழி  இங்கு முருகர் இடது கைகளில் வில்லும் வைரமும், வலது கையில் சக்தியும், வேலும் கொண்டு காட்சி தருகிறார். செப்புச் சிற்பம்
(படம் நன்றி: srinu22vasu via insta)
  • தஞ்சாவூர் மாவட்டம் திருவையாறு ஐயாறப்பர் கோயில் முருகன் சன்னதியில் தனுசு சுப்பிரமணியராக வில், அம்பு மற்றும் வேல் ஏந்தி நான்கு கைகளுடன், ஒரு முகத்துடன் அருள் பாலிக்கிறார்.
  • வில்லுடையான்பட்டு முருகன் கோயில் (கடலூர் மாவட்டம் நெய்வேலி டவுன்ஷிப்) - இங்கு முருகன் கையில் வில் அம்புடன் காட்சி தருகிறார். அருணகிரிநாதரின் திருப்புகழில் இத்தலம் 'அத்திப்பட்டு' என்று குறிப்பிடப்பட்டுள்ளது.
  • திருமீயச்சூர் லலிதாம்பிகை கோயில் முருகர் செப்புச் சிற்பம்.
படம் நன்றி: kamal archives via insta)

ஆவுடையார் கோயில் தூண் சிற்பம்

Comments

Post a Comment

Popular posts from this blog

ஏகபாத மூர்த்தி

Image
சிவனின் 64 வடிவங்களில் 52 வது வடிவம் ஏகபாத மூர்த்தி. அவற்றுள்ளும் சிறப்பான 25 மகேசுவர வடிவங்களுள் ஒன்று. ஐந்து முக மகேசுவர மூர்த்தியின்  வடக்கு முகமான வாமதேவ முகத்தில் இருந்து தோன்றிய வடிவம். பேரூழிக் காலத்தில் முழுப் பிரபஞ்சமும் அனைத்து கடவுளரும் உயிர்களும் ஏகபாத மூர்த்தியின் ஒற்றைக் காலில் ஒடுங்குவர். காலத்தால் மூத்த ஏகபாதரின் சிற்பம் ராஜஸ்தானின் ஸ்ரீ கங்காநகர் மாவட்டம் ரங்க மஹலில் கிடைத்த சுடுமண் சிற்பம் ஆகும். இது தற்போது பீகானேர் கங்கா சிங் அரசு அருங்காட்சியகத்தில் உள்ளது. அஜ ஏகபாதர் -  பீகானேர் அருங்காட்சியகம், 33 x 20.5 cm 1918 இல் கண்டுபிடிக்கப்பட்ட இந்த சுடுமண் சிற்பம் பொ ஆ 4 ஆம் நூற்றாண்டு குப்தர் காலத்தது. 1960 இல் தான் அஜ ஏகபாதர் என்று வி எஸ் அக்ரவாலா அவர்களால் அடையாளம் காணப்பட்டது. இரு கொம்புகளுடன் ஆன ஆட்டின் தலை, மனித உடல், இரு கைகள், ஒற்றை யானைக் கால் ஆகியவை கொண்டுள்ளது. (படம் நன்றி:  American Institute of Indian Studies, Center for Art and Archaeology, Gurugram, Haryana; Public Domain) அஜ ஏகபாதர் என்ற தெய்வமாக ரிக் வேதத்தில் ஏகபாதர் அறிமுகம் ஆகிறார். ...
Read more

முருகன் ஊர்தியான மயிலின் வகைகள்

Image
சிற்பங்களில் முருகருக்கு வாகனமாக விளங்கும் மயில்கள் மூவகை:   மந்திர மயில் (பிரணவ மயில்) முருகர் மாங்கனி வேண்டி,  உலகைச் சுற்றி வந்தபோது, அவருக்கு வாகனமாக இருந்தது மந்திர மயில். இது ஓம் எனும் பிரணவ மந்திரத்தின் வடிவம்.  அருணகிரிநாதர்,  "ஆனதனி மந்த்ர ரூபநிலை கொண்டது ஆடுமயில் என்பது அறியேனே" என்று போற்றுகிறார். பொருள்: 'ஒப்பற்ற ஓங்கார மந்திர வடிவ நிலை கொண்டது ஆடும் மயில்தான் என்று அறியவில்லையே'. தகராலய ரகசியம் - (தகரம் - சிறிய ஆகாயம், அதாவது இதயம்). தியானத்தில் பிரணவ சொரூபமான மயில் மீது முருகனை பாலகனாக தரிசித்தல் . பாம்பன் சுவாமிகளுக்கு இந்தக் கோலத்தில் அவன் காட்சியளித்தான். இது `குக ரகசியம் என்றும் அழைக்கப்படுகிறது,  தேவ மயில் (இந்திர மயில்) சூரபத்மனுடன் போரிடும்போது, சூரன் அவருடைய ஆற்றலுக்கு எதிர்த்து நிற்க முடியாமல் சக்ரவாகப் பட்சியாக உருவமெடுத்து ஓடினான். அவனைத் தொடர்ந்து செல்ல இந்திரன் மயிலாக உருமாறி முருகரைத் தாங்கிச் சென்றான். இது தேவ மயில். அசுர மயில் சூரபத்மனுடனான போரின் இறுதியில், முருகர் மருத மரமாக நின்ற அவனை வேலால் இரண்டாகப் பிளந்தார். அது, மய...
Read more

திருமாலின் 24 வடிவங்கள்

Image
மகாபாரதத்தின் அனுசாசனப் பர்வத்தில் உள்ள விஷ்ணு சஹஸ்ரநாமத்தில் திருமாலின் 1000 பெயர்கள் உள்ளன. அவற்றுள் 24 பெயர்கள் மிக முக்கியமானவை ஆகவும் தினசரி வழிபாட்டில் இடம்பெறக் கூடியவை ஆகவும் கருதப்படுகின்றன.  இந்த 24 பெயர்களுக்கான திருமாலின் 24 உருவங்கள் வரையறுக்கப் பட்டுள்ளன. திருமாலின் 4 கைகளில் ஆழி (C), சங்கு, கதை, தாமரை ஆகியவை அமையும் விதம் இந்த பெயர்களை நிர்ணயிக்கின்றன. மற்றபடி திருமாலின் வடிவில் இந்த 24 வடிவங்களுக்குள் வேறுபாடு இல்லை. 24 (சதுர் விம்ஷதி) திருமால் உருவங்கள் (ரூபமண்டனம் நூலின் படி) BR வலது பின் கை C சக்கரம் BL இடது பின் கை S சங்கு FL இடது முன் கை G கதை FR வலது முன் கை P தாமரை வஎ ரூபமண்டன வரிசை எண் BR BL FL FR வஎ C S G P ஜனார்தனன் 21 P G மாதவன் 3 G S P ஸ்ரீதரர் 9 P S வாமனர் 8 P S G ஹ்ருஷிகேசன் 10 G S ஹரி 23 S C G P கேசவன் 1 P G வாசுதேவன் 14 G C P தாமோதரன் 12 P C ப்ரத்யும்னன் 15 P C G சங்கர்ஷ்ணன் 13 G C மதுசூதனன் 6 G C S P த்ரிவிக்ரமன் 7 P S உபேந்திரன் 22 S C P அதோக்ஷஜன் 18 P C அனிருத்தன் 16 P S C கோவிந்தன் 4 C S ஸ்ரீ கிருஷ்ணன் 24 P C G S பத்மநாபன் 11 S G அச்சுதன் 20 S C ...
Read more